Shri Hanumat Panchratnam Stotra

ॐ ।। श्री हनुमत्पञ्चरत्नस्तोत्रम् ।। ॐ

वीताखिलविषयेच्छं जातानन्दाश्रुपुलकमत्यच्छम् ।

सीतापतिदूताख्यं वातात्मजमद्यभावये हृद्यम् ॥ १ ॥

 

 

तरुणारुणमुखकमलं करुणारसपूरपूरितापाङ्गम ।

सञ्जीवनमाशासे मञ्जुलमहिमानमञ्जनाभाग्यम् ॥ २ ॥

 

 

 

शंबरवैरिशरातिगमम्बुजदलविपुललोचानोदारम् ।

कम्बुगलमनिलदिष्टं बिम्बज्वलितोष्ठमेकमालम्बे ॥ ३ ॥

 

 

दूरीकृतसीतार्तिः प्रकटीकृतरामवैभवस्फूर्तिः ।

दारितदशमुखकीर्तिः पुरतो मम भातु हनुमतो मूर्तिः ॥ ४ ॥

 

 

वानरनिकराध्यक्षं दानवकुलकुमुदरविकरसदृशम् ।

दीनजनावनदीक्षं पवनतपःपाकपुंजमद्राक्षम् ॥ ५ ॥

 

 

एतत् पवनसुतस्य स्तोत्रं

यः पठति पञ्चरत्नाख्यम् ।

चिरमिह निखिलान् भोगान् भुक्त्वा

श्रीरामभक्तिमान् भवति ॥